कुणी तरी लेखक कवी आपल्या आयुष्यात ही असावं..

कुणी तरी लेखक-कवी 

आपल्या आयुष्यात ही असावं..

कुणी तरी लेखक-कवी 

आपल्या आयुष्यात ही असावं..

आपल्या हसण्या-रडण्यावर,  

रुसण्या-हिरमुसण्यावर, 

रागावर-प्रेमावर अन सगळ्या गमतीजमतीवर, 

दिसण्यावर-भासण्यावर,  

दुःखाच्या वाटेवर अन सुखाच्या रथावर, 

आपल्या हातून घडणाऱ्या चुकीवर अन कर्तृत्वावर.. 

खरचं कुणी तरी आपल्या जाणते अजाणतेपणे आपलं अस्तित्व टिपणारं, 

आपल्या असण्या-नसण्यावर,  

आपल्या जाण्यानंतर स्वतःचे शब्द देवून 

आपल्याला जीवन देणारं,  

मनसोक्त आपलं कौतुक करणारं, 

कोणी तरी आपला प्रवास कागदावर मांडणार,  

लेखक-कवी आपल्या आयुष्यात असावंच !

प्राची दुधाने 

वारसा फाऊंडेशन